Cebu – Malugod na ipinagkaloob ng mga miyembro ng 701st Maneuver Company (MC) ng Regional Mobile Force Battalion 7 ang bagong tahanan sa pamilya na naging benepisyaryo ng programang “Bahay Ko, Sagot Ko” sa turnover ceremony na inilunsad sa Bogo, Cebu noong Miyerkules, Pebrero 15, 2023.
Ang programa ay personal na dinaluhan ni Police Colonel Ronan R Claravall, Force Commander ng RMFB 7.
Ayon kay Police Colonel Claravall, ang matagumpay at patuloy na pagsasakatuparan ng programa ay bunga ng maayos na ugnayan at pakikipagtulungan ng batalyon sa komunidad, stakeholders, at higit na sa Advisory Council ng 701st MC na siyang katuwang sa naturang proyekto.
Labis naman ang tuwa at pasasalamat ng pamilya Bakus na siyang naging benepisyaryo ng programa sa handog na bagong bagong tahanan at ng iba pang tulong na natanggap mula sa kapulisan.
Hangad ng RMFB 7 na kasabay ng pagganap ng kanilang tungkulin upang panatilihin ang kaayusan at kapayapaan ng komunidad ay matiyak ang kaligtasan ng mamamayan sa kanilang nasasakupan.
What you do today will reaped by the next generation police officers. Snappy Salute.